దేవునికి స్తోత్రము గానము – చేయుటయే మంచిది 

మనమందరము స్తుతి గానము – చేయుటయే మంచిది

1. యెరుషలేము యెహోవాయే – కట్టుచున్నవాడని

ఇశ్రాయేలీయులను పోగుచేయువాడని

2. గుండె చెదరిన వారిని – బాగుచేయువాడని 

వారి గాయములన్నియు – కట్టుచున్నవాడని 

3. నక్షత్రముల సంఖ్యను – ఆయనే నియమించును 

వాటికన్నియు పేరులు – పెట్టుచున్నవాడని

4. ప్రభువు గొప్పవాడును – అధిక శక్తి సంపన్నుడు 

జ్ఞానమునకు ఆయనే – మితియు లేనివాడని  

5. దీనులకు అండాయనే – భక్తిహీనుల కూల్చును 

సితారాతో దేవుని – స్తుతులతో కీర్తించుడి 

6. ఆయన ఆకాశమున్ – మేఘములతో కప్పును 

భూమి కొరకు వర్షము – సిద్ధపర్చువాడని 

7. పర్వతములలో గడ్డిని – పశువులకు మొలపించెను 

అరచు పిల్లకాకులకును – ఆహారము తానీయును 

8. గుర్రముల నరులందలి – బలము నానందించడు

కృప వేడు వారిలో – సంతసించు వాడని 

9. యెరుషలేము యెహోవాను – సియోను నీ దేవుని 

కీర్తించుము కొనియాడుము – ఆనందించువాడని 

10. పిల్లల నాశీర్వదించియు – బలపరచు నీ గుమ్మముల్ 

మంచి గోధుమ పంటతో – నిన్ను తృప్తిగనుంచును   

11. భూమికి తన యాజ్ఞను – ఇచ్చువాడు ఆయనే 

వేగముగను దేవుని – వాక్యము పరుగెత్తును 

12. వాక్యమును యాకోబుకు -తెలియజేసినవాడని 

ఏ జనము కీలాగున – చేసి యుండ లేదని