||పల్లవి||  జీవిత యాత్రలో -నాదు గురి నీవేగా

నీకు సాటి ఎవ్వరు యేసువా

నీవు నడిచావు కెరటాలపై

నన్ను నడిపించుమో యేసువా

 

1. నన్ను నడిపించు చుక్కాని -నీవే కదా  ( నీవే కదా )

నన్ను కాపాడు దుర్గంబు – నీవే కదా   ( నీవే కదా )

నీదు వాక్యంబు సత్యంబెగా -నాకు నిరతంబు జీవంబెగా

నేను పయనించు మార్గంబెగా -నన్ను నడిపించుమోయేసువా ||జీవిత||   

 

2. నాకు నిరతంబు మదిలోన -నీ ధ్యానమే ( నీ ధ్యానమే )

నేను స్వరమెత్తి వినిపింతు నీ గానమే ( నీ గానమే )

నాకు నీవేగా సర్వస్వమూ-నీదు నామంబే ఆధారము

నాకు సర్వేశ్వరుడ నీవేగా నిన్ను స్తుతియింతునో  యేసువా||జీవిత ||  

 

3. నాదు హృదయంబు – నీ దివ్య సదనంబెగా ( సదనంబెగా )

నీదు చిత్తంబు నే చేయ ముదమా యెగా (ముదమా యెగా )

నాదు హృదయాన లెక్కింతునా-నీదు ఉపకారములు యేసువా

వీటి కొరకేమి చెల్లింతునూ!-నాదు స్తుతులందుకోయేసువా ||జీవిత||